زیوارت کی دکان میں برقعہ پوش خواتین نے کی چوری
12 گھنٹے میں برقعہ پوش ساجدہ بانو ، طاہرہ عرف آسیه و نازیہ شیخ نامی خاتون گرفتار ، 3 لاکھ 5 ہزار روپے مالیت کے زیورات ضبط، قلعہ پولیس کی کارروائی
مالیگاؤں (نامہ نگار) 23 مئی 2023 کو 7 بجکر 50 منٹ پر نٹور لال شیوارتن ورما عمر 55 سال پیشہ زیورات کی دکان ساکن بروڈ گلی بالاجی مندر کے پیچھے مالیگاؤں نے قلعہ پولیس اسٹیشن میں فریاد دی کے موہن پیر گلی میں واقع انکی ایم گولڈ نامی زیورات کی دکان میں تین برقعہ پوش خواتین نے سونے کی پھولی دکھانے کے بہانے 152 گرام وزنی سونے کی پھولی کا باکس چالاکی سے چوری کر راہ فرار اختیار کی ۔
اس ضمن میں شکایت ملتے ہی ناسک ضلع ایس پی شاہجی امپ، ایڈیشنل ایس پی انیکیت بھارتی ، ڈی واے ایس پی کیمپ پردیپ کمار جادھو کی ہدایت و رہنمائی میں قلعہ پولیس اسٹیشن کے اسسٹنٹ پولیس انسپکٹر گوتم تائیڑے ، سب انسپکٹر ڈھاکنے، حولدار پاٹل، سپاہی بھوئے، نکالے ، بھامرے ، پولیس نائیک جگتاپ ، سپاہی متے ، آھیرے حوالدار باگل نے مذکورہ جرم کی تفتیش کے دوران مقدمہ درج ہونے کے 12 گھنٹے کے اندر سی سی ٹی وی فوٹیج کی بنیاد پر مشتبہ خاتون کی شناخت کی ، اور اس کی تلاش کی گئی تو وہ مالیگاؤں شہر میں پائی گئی، ایک مخبر کے ذریعے ٹریس کرتے ہوئے ملزمہ نمبر (1) ساجدہ بانو عرف اننو بشیر خان 40 سال ساکن اقبال ڈابی کسمبا روڈ مالیگاؤں ،(2) طاہرہ عرف آسیہ خورشید احمد عمر 25 سال پاچ پنجتن چوک مالیگاؤں ،(3) نازیہ شیخ اسماعیل عمر 30 سال رہائش سروے نمبر 55 غوثیہ کالونی مالیگاؤں کی رہائش گاہ پر گئے اور اس کی تلاشی لی ، تلاشی کرنے کے بعد تینوں خواتین کو حراست میں لے کر چوری کے جرم کے الزام میں گرفتار کرلیا گیا ہے، پولیس کے مطابق ان خواتین کے قبضے سے کل 6 تولے 1 گرام سونے کی ناک کی پھولی برآمد ہوئیں ہے ۔ جس کی قیمت 3 لاکھ 5 ہزار روپے بتائی گئی ہے ، اس معاملے میں قلعہ پولیس نے CCTNS گناہ رجسٹر نمبر 81/2023 قلم 380، 34 کے تحت مقدمہ درج کیا ہے ، مذکورہ خاتون ملزمہ کے خلاف
مقدمہ قائم مزید تفتیش جاری ہیں ۔
ایک تبصرہ شائع کریں