مالیگاؤں : 29 اپریل / مالیگاؤں شہر میں کورونا مریضوں کی بڑھتی ہوئی تعداد تشویشناک حد تک پہنچ رہی ہے شہر میں بدھ کی صبح سے رات تک 82 مریضوں کے نمونے پازیٹو آئے اور ان مریضوں کی تعداد اب 253 ہوچکی ہے ایسے حالات میں مریضوں کی تعداد مزید بڑھنے کے خطرات سے انکار نہیں کیا جاسکتا اس لئے ضلع سرکاری انتظامیہ کو مریضوں کی بڑھ رہی تعداد پر قابو پانے اور مریضوں کے علاج کے لئے انہیں آکسیجن فراہم کروانا ضروری ہے اس طرح کا اظہار آج آصف شیخ رشید نے ضلع کلکٹر سے کیا انہوں نے مطالبہ کیا ہے شہر میں جاری منصورہ طیبہ کالج کی عمارت کے تمام بیڈ پر آکسیجن پائپ لائن نصب کی جائے، اسی طرح دلاور ہال قدوائی روڈ اسکول نمبر ایک میں پہلے منزلہ اور گراؤنڈ فلور کے دونوں ہال میں 50 بیڈ کا نظم کرتے ہوئے یہاں بھی آکسیجن پائپ لائن لگائی جائے ۔آصف شیخ نے کہا کہ انتظامیہ کو اسی اسکول نمبر ایک کے حج ٹریننگ سینٹر میں بھی 50 بیڈ کا نظم کرتے ہوئے انہیں بھی آکسیجن سے لیس کیا جائے اسطرح مالیگاؤں شہر میں 200 بیڈ کے اسپیشل پلنگ کا نظم کرتے ہوئے ان 200 بیڈ پر آکسیجن پائپ نصب کیا جائے تاکہ کورونا کے مریضوں کا بہتر ڈھنگ سے علاج کیا جاسکے اور انہیں جلد صحت یاب کرواتے ہوئے انکے گھر روانہ کیا جاسکے ۔وہیں آصف شیخ نے ایک اور مطالباتی لیٹر ضلع کلکٹر کو روانہ کیا ہے کہ ایک طرف ہمیں کورونا کو روکنے اور مریضوں کے علاج کے لئے کورونا ایمرجینسی کنٹرول پینل کا نظم کیا جانا چاہیے تو دوسری جانب کورونا کے علاوہ دیگر مریضوں کو بھی آکسیجن سلینڈر فراہم کروایا جائے تاکہ وہ مریض جنہیں سانس لینے میں تکلیف ہورہی ہے اور وہ شکر، دمہ، دل کی بیماری میں مبتلا ہیں اور انہیں فوری طبی مدد دی جاسکے اور وہ اپنے گھر پر ہی ڈاکٹر کی مدد سے آکسیجن سلینڈر کا استعمال کر سکے اور طبی امداد حاصل کرسکے ۔آصف شیخ نے ضلع کلکٹر کے ساتھ ساتھ یہ دونوں لیٹر کی ایک ایک کاپی ایڈیشنل کلکٹر مالیگاؤں ،ایڈیشنل ایس پی ،پرانت ،کارپوریشن کمشنر ،میڈیکل آفیسر کو بھیجا دیا ہے ۔اس ضمن میں مالیگاؤں کمشنر دیپک کاسار نے آصف شیخ کو یقین دلایا کہ ضلع کلکٹر سے فوری بات چیت کرتے ہوئے آپکی تجویز اور مطالبے کو قبول کیا جارہا ہے اور اسپر فوری طور پر کارروائی کرتے ہوئے دونوں اہم مطالبہ کو روبہ عمل لایا جائے گا ۔کمشنر سے ملنے گئے وفد میں آصف شیخ کے ساتھ کانگریس کے سینئر کارپوریٹر وقت ہاؤس لیڈر اسلم انصاری، شکیل بیگ موجود تھے ۔
ایک تبصرہ شائع کریں