گرنا ڈیم پمپنگ اسٹیشن پر سولار پاور پروجیکٹ کی تنصیب کے لئے مہاراشٹر سرکار دس ایکڑ قطعہ اراضی فراہم کرے
وزیر آبپاشی جینت پاٹل سے آصف شیخ کی ملاقات،میئر طاہرہ شیخ کا مکتوب پیش
مالیگاؤں :28 اکتوبر (پریس ریلیز) مالیگاؤں میونسپل کارپوریشن کے گرنا ڈیم پمپنگ اسٹیشن پر شمسی توانائی منصوبے کی تعمیر کے لئے درکار 10 ایکڑ قطعہ اراضی دستیاب کی جائے ۔ مالیگاؤں میونسپل کارپوریشن کو پانی کی فراہمی کرنے والے گرنا پمپنگ اسٹیشن پر 500 ہارس پاور کی طاقت کے ساتھ کل آٹھ پمپ سیٹ کیا گیا ہے جس کے ذریعے مالیگاؤں شہر میں پانی کی ضرورت کا 80 سے 90 فیصد حصہ گرنا ڈیم سے پورا کیا جاتا ہے۔ گرنا ڈیم پر کام 8 پمپوں کا بجلی بل ماہانہ 50 سے 55 لاکھ روپے ہے۔ اس میں تقریبا 2.5 ڈھائی میگا واٹ بجلی بھی استعمال ہوتی ہے۔ اس سے ماحولیاتی آلودگی بھی پیدا ہورہی ہے ۔ میونسپل کارپوریشن کا سالانہ 6 کروڑ رویہ بجلی بلوں میں خرچ ہوتا ہے، اگر مہاراشٹر سرکار کارپوریشن کو زمین فراہم کرتی ہے تو مالیگاؤں میونسپل کا مالی فائدہ ہوگا سالانہ چھ کروڑ بجلی بلوں کی خطیر رقم سے کارپوریشن کو نجات ملے گی جس کے سبب رقم کی بچت بھی ہوگی اور اسکا سیدھا فائدہ مالیگاؤں شہر کی عوام کو ہوگا۔پانی سستا اور وقت پر اچھی مقدار میں ملے گا ۔اس لئے مہاراشٹر سرکار دس ایکڑ زمین گرنا ڈیم پمپنگ اسٹیشن پر محکمہ آب پاشی کی جانب سے فراہم کرے ۔اسطرح کا مطالبہ مالیگاؤں میونسپل میئر کے مکتوب پر شیخ آصف نے وزیر آب پاشی جینت پاٹل سے ملاقات کرتے ہوئے کیا ہے ۔شیخ آصف نے کہا کہ سماجی ذمہ داری اور ماحولیاتی تحفظ اور مالی بچت کے تین اصولوں کی بنیاد پر مالیگاؤں میونسپل کارپوریشن کی جنرل بورڈ نے شمسی توانائی کے منصوبے کو شروع کرنے کی تجویز کو منظوری دے دی ہے۔ سولار پاور پروجیکٹ بجلی پیدا کرے گا اور اس کا استعمال مالیگاؤں میونسپل کارپوریشن کی واٹر سپلائی اسکیم سے گرنا ڈیم کا پانی شہریان کو سپلائی کیا جائے گا ۔ اس منصوبے کے لئے وسیع جگہ کی ضرورت درکار ہے ہے اور اس طرح کے منصوبے کو بجلی گھر کے قریب ہونے کی ضرورت ہے۔ لیکن مالیگاؤں میونسپل کارپوریشن کی ملکیت والی کوئی بھی زمین بجلی گھر کے قریب نہیں ہے۔ تاہم ، گرنا پمپنگ اسٹیشن پر مہاراشٹر جیون پرادھیکران کے قبضے میں آتی ہے ۔ تاہم آپ سے مطالبہ کرتے ہیں کہ شمسی توانائی منصوبے کے لئے مذکورہ سرکاری قطعہ اراضی میں سے 10 ایکڑ اراضی مالیگاؤں کارپوریشن کو فراہم کی جائے ۔
ایک تبصرہ شائع کریں