ممبئی 26/11 حملے کی برسی اور شہید ہیمنت کرکرے کو خراج عقیدت
آج بروز جمعرات رات 8 بجے بھکّو چوک میں علامتی پروگرام
مالیگاؤں 26 نومبر (پریس ریلیز) ممبئی میں 26/11 کو ہونے والے حملے میں بہت سے بے قصور لوگوں کی جانیں گئی. اسی حملہ میں پولیس کے اعلیٰ افسران ہیمنت کرکرے، وجئے سالسکر ،اشوک کامٹے سمیت کئی پولیس جوان بھی شہید ہوئے. ہیمنت کرکرے وہی آفسر تھے جنہوں نے بھکّو چوک بم دھماکوں کی ایماندارانہ انکوائری کرکے بھگوا دہشت گردوں کو بے نقاب کیا تھا. ان کی یاد میں ہر سال 26/11 کو بھکّو چوک میں پروگرام ہوتا تھا. اس سال کرونا بیماری کی وجہ سے یہ پروگرام علامتی طور پر محدود لوگوں کی موجودگی میں ہوگا. جس میں پولیس افسران اور عمائدین شہر کے ہاتھوں شمع جلا کر اور شہید ہیمنت کرکرے چوک بورڈ کی گلپوشی کرکے خراج عقیدت پیش کیا جائے گا. سیّد بشیر اور جاوید انور کی رہنمائی میں اس پروگرام میں عوام شریک نہیں ہونگے بلکہ ان لائن طرز پر پروگرام لائیو ٹیلی کاسٹ کیا جائے گا. ایسی اطلاع مرحوم آصف علی ڈرائیور فرینڈ سرکل اور نوجوانانِ بھکّو چوک، پروگرام کے کنوینر شفیق احمد سٹی آٹو اور رضوان احمد الیکٹرک والے کی جانب سے موصول ہوئی ہے.
ایک تبصرہ شائع کریں